КАРА ДИН — исламдан башка дин. «Манас» эпосунда Кытайдан качып келип мусулман болгон Алмамбетке карата айтылат: «Кара динден ак болуп, Капырдан качып жат болуп». Бул араб тилинин «гайридин» деген сөзүнөн өздөштүрүлгөн: «гайри» — «башка, бөлөк» деген мааниде, к. Кайырдин.

Мусулман көз карашында ислам дининен башка диндин баары бузулган, булганган дин. 2. өт. Дини кара, ниети бузук, жамандык каалоочу. Кара диндүү капырга («Семетей» С. К.). Кара динден ак болуп, Калмактан качып жат болуп («Манас»).